ዜናዎች

ጥቅምት  05/2017 ዓ.ም ኮልፌ ኮሙኒኬሽን

የክፍለ ከተማው ሰላምና ፀጥታ አስተዳደር ፅ/ቤት በ2017 በጀት አመት በ1ኛ ሩብ አመት የስራ አፈፃፀም ሪፖርት ከክፍለ ከተማና ከ11ዱ ወረዳዎች የተውጣጡ አመራሮች እና ባለሙያዎች፣ የፌደራልና የአዲስ አበባ የፀጥታ አካላት፣የሀይማኖት አባቶች፣የሰላም ሰራዊት እንዲሁም የአጎራባች ክፍለ ከተሞችና አስተዳደሮች በተገኙበት የ2016 በጀት አመት አፈፃፀም እውቅና ሰጥቷል ።

በእውቅና መርሀ ግብሩ ተገኝተው የማጠቃለያ ሀሳብና የስራ መመሪያ የሰጡት የክፍለ ከተማው ዋና ስራ አስፈፃሚ አቶ ንጋቱ ዳኛቸው በክፍለ ከተማው አስተዳደር ከፀጥታ አካላት፣ ከሀይማኖት አባቶች፣ ከሰላም ሰራዊትና ከመላው የህብረተሰብ ክፍሎች ተቀናጅቶ በጋራ በመሰራቱ ሰላምና ደህንነት ማረጋገጥ ተችለዋል ያሉ ሲሆን ሁሉም አካላት ላደረጉት አስተዋፅኦ በአስተዳደሩ ስም ምስጋና ይገባችኋል ሲሉ ተናግረዋል ።

አቶ ንጋቱ በንግግራቸው እንደከዚህ ቀደሙ ግንኙነታችን አጠናክረን እጅ ለእጅ በመያያዝ  በክፍለ ከተማው የሚስተዋሉ ህገ ወጥ ተግባራት በመከላከል ከስጋት የፀዳችና ሰላም የተረጋገጠባት ክፍለ ከተማ እንፈጥራለን ሲሉ መልእክታቸውን አስተላልፏል ።

የክፍለ ከተማው ሰላምና ፀጥታ አስተዳደር  ፅ/ቤት ሀላፊ  አቶ ያሲን መሀመድ በበኩላቸው ባለፈው በጀት አመትም ሆነ በአንደኛ ሩብ አመት የተመዘገቡ ውጤቶችን በማስቀጠልና ድክመቶችን በማረም የተሻለ አፈፃፀም ማምጣት ይገባናል ብለዋል።

በመርሀ ግብሩ የ2017 በጀት አመት አንደኛ ሩብ አመት እቅድ አፈፃፀም በአቶ ታፈሰ አዱኛ የሰላምና ፀጥታ መረጃ ስራ ሂደት አስተባባሪ አመካኝነት ቀርቦ ውይይት ተካሄደቦታል።

በመጨረሻም በ2016 በጀት አመት የላቀ አፈፃፀም ለነበራቸው ባለ ድርሻ አካላት የፌደራልና የአዲስ አበባ የፀጥታ አካላት፣ሴክተር መስሪያቤቶች ፣ የሀይማኖት ተቋማት ጉባኤ ተወካዮች፣ የክፍለ ከተማና የወረዳ የሰላም ሰራዊት ተወካዮች እና ባለሙያዎች የምስክር ወረቀት የተበረከተላቸው ሲሆን ወረዳ 04፣ 05 እና 01 ከ1ኛ እስከ 3ኛ ደረጃ በመውጣት የዋንጫ ተሸላሚ ሆናል። 

ኮልፌ ኮሙኒኬሽን መስከረም 08/2017 ዓ.ም

የመስቀል ደመራና ኢሬቻ በዓላት አከባበር ላይ የክፍለ ከተማው ሰላም ሰራዊት አባላት ውይይት አድርገዋል።

በዓላቱ ትውፊታቸውን ጠብቀው ለትውልድ እንዲተላለፉ  ሁሉም  የበኩሉን መወጣት እንደሚገባ አቶ አደም መሀመድ  የክፍለ ከተማው የዴሞክራሲ ስርዓት ግንባታ ማስተባበሪያ  ምክትል የፖለቲካ ዘርፍ ሀላፊ ሰነዱን ባቀረቡበት ወቅት ገልፀዋል።

የአዲስ አበባ ከተማ የመንግስት የልማት ድርጅቶች ምክትል ስራአስፈፃሚ   አቶ ባዩ  ሽጉጤ እንደገለፁት የሰላም ሰራዊት አባላት እንደ ከዚህ ቀደም ሁሉ የአደባባይ በዓላት ፍፁም ሰላማዊ ሆነው እንዲከበሩ የነበራቸውን አስተዋፅኦ በእነዚህ በዓላትም በመድገም በዓሉ በአብሮነትና  በአንድነት እንዲከበር የአካባቢያችሁን ሰላምና ደህንነት የማስጠበቅ ኃላፊነታችሁን መወጣት ይገባችኋል ሲሉ አሳስበዋል፡፡

የክፍለ ከተማው የዋና ስራ አስፈፃሚ ፅ/ቤት ሀላፊ አቶ ሰኢድ መሀመድ  ሁለቱም በዓላት ከእኛ አልፈው የአለም ቅርስ በመሆናቸው ኢትዮጵያዊ እንግዳ ተቀባይነታችንን በማጠንከር በሰላምና በአብሮ ነት በጋራ መስራት አለብን ብለዋል፡፡

የክፍለ ከተማው የሰላምና ፀጥታ አስተዳደር ፅ /ቤት ሀላፊ  አቶ ያሲን መሀመድ እነዚህ የአደባባይ በዓላት እሴታቸውን ጠብቀው እንዲከበሩ ሰላምን  በማስጠበቅ የህብረተሰቡን ደህንነት ለማረጋገጥ ከሌሎች የፀጥታ አካላት ጋር በቅንጅት መስራት አለብን ያሉ ሲሆን እኛ ኢትዮጵያዊ የተሳሰርንና የተጋመድን መሆናችንን ለአለም ማሳየት አለብን ሲሉ ገልፀዋል።

የውይይቱ ተሳታፊዎች በበኩላቸው በዓላቱ ከዚህ ቀደም እንደተከበሩ ያለምንም  የፀጥታ ችግር እንዲከበሩ ሀላፊነታቸውን እንደሚወጡ አስታውቀዋል።

ፈጣን መረጃዎችን ለማግኘት፦